Surah Hud Ayat 7 (11:7)

{و هو الذی خلق السموت و الارض فی ستة ایام:اور وہی ہے جس نے آسمانوں اور زمین کو چھ دن میں بنایا۔} اسمان بھی سات ہیں اور زمین بھی سات لیکن اسمانو ں کی حقیقتیں مختلف ہیں جیسے کوئی لوہے کاکوئی تانبے کا کوئی چاندی کا اور کوئی سونے کا ہے اور تمام زمینوں کی حقیقت صرف مٹی ہے نیز اسمانوں میں فاصلہ ہے اور زمین کے طبقات میں فاصلہ نہیں یہ ایک دوسرے سے ایسی چمٹی ہیں جیسے پیاز کے چھلکے کہ دیکھنے میں ایک معلوم ہوتی ہے اس لئے اسمان جمع فرمایا جاتا ہے اور زمین واحد بولی جاتی ہے۔ خیال رہے کہ اسمانوں کی پیدائش دو دن میں زمین کی پیدائش دو دن میں اور حیوانات درخت وغیرہ کی پیدائش دو دن میں ہوئی اور دن سے مراد اتنا وقت ہے ورنہ اس وقت دن نہ تھا کیونکہ دن تو سورج سے ہوتا ہے اور اس وقت سورج نہ تھا۔(روح البیان ہود تحت الایۃ: ۷ ۴ / ۹۷-۹۸ ملخصا) قران پاک کی متعدد ایات میں اسمان و زمین کو چھ دن میں بنانے کا ذکر کیا گیا ہے۔ مفسرین نے یہ بھی فرمایا ہے کہ چھ دنوں سے مراد چھ ادوار ہیں۔ { و كان عرشه على المآء:اور اس کا عرش پانی پر تھا۔} یعنی عرش کے نیچے پانی کے سوا اور کوئی مخلوق نہ تھی۔ اس سے یہ بھی معلوم ہوا کہ عرش اور پانی آسمانوں اور زمینوں کی پیدائش سے پہلے پیدا فرمائے گئے۔ (مدارک ہود تحت الایۃ: ۷ ص۴۹۰) عرش پانی کے اوپر ہونے کے معنی: علامہ احمد صاوی رحمۃ اللہ تعالی علیہ عرش کے پانی کے اوپر ہونے کا معنی بیان کرتے ہوئے فرماتے ہیں ’’یعنی عرش اور پانی کے درمیان کوئی چیز حائل نہ تھی بلکہ عرش اسی مقام میں تھا جہاں اب ہے یعنی ساتویں اسمان کے اوپر اور پانی اسی جگہ تھا جہاں اب ہے یعنی ساتویں زمین کے نیچے (اگرچہ اس وقت سات اسمان اور سات زمینیں نہ تھیں ) (صاوی ہود تحت الایۃ: ۷ ۳ / ۹۰۱) قدرت الہی کے دلائل: اما م فخر الدین رازی رحمۃ اللہ تعالی علیہ فرماتے ہیں کہ یہ ایت کئی اعتبار سے اللہ تعالی کی قدرت کی عظمت اور کمال پر دلالت کرتی ہے۔ (1)… عرش کے زمین و اسمان سے بڑا ہونے کے باوجود اللہ تعالی نے ا سے پانی پر قائم فرمایا لہذا اگر اللہ تعالی کسی ستون کے بغیر وزنی چیز کو رکھنے پر قادر نہ ہوتا تو عرش پانی پر نہ ہوتا۔ (2)…پانی کو بھی بغیر کسی سہارے کے قائم کیا۔ (3)…عرش جو کہ تمام مخلوقات سے بڑا ہے اسے اللہ تعالی نے ساتویں اسمان کے اوپر قائم کیا ہوا ہے اس کے نیچے کوئی ستون ہے نہ اوپر کوئی اور علاقہ۔ (تفسیرکبیر ہود تحت الایۃ: ۷ ۶ / ۳۱۹-۳۲۰) {لیبلوكم ایكم احسن عملا:تا کہ تمہیں آزمائے کہ تم میں کون اچھے عمل کرتا ہے ۔} یعنی آسمان و زمین اور ان میں تمہارے جو منافع اور مصالح ہیں انہیں پیدا کرنے میں حکمت یہ ہے کہ ان نعمتوں کی وجہ سے نیک وبد میں امتیاز ہو جائے اور یہ ظاہر ہو جائے کہ کو ن (ان نعمتوں کے باوجود) فرمانبردار ہے تاکہ اخرت میں اسے اس کی اطاعت گزاری کا ثواب دیا جائے اور کون (ان نعمتوں کی وجہ سے اللہ عزوجل سے غافل ہوتا ہے اور) گناہگار بنتا ہے تاکہ اخرت میں اسے اس کے گناہوں کی سزا دی جائے۔(جلالین مع صاوی ہود تحت الایۃ: ۷ ۳ / ۹۰۱) نعمتیں پیدا کئے جانے میں بھی ہماری ازمائش مقصود ہے: اس ایت سے معلوم ہوا کہ اللہ تعالی نے انسانوں کے لئے جو نعمتیں پیدا فرمائی ہیں ان کے ذریعے بھی انہیں ازمایا اور ان کا امتحان لیا جا رہاہے کہ وہ ان نعمتوں کے ملنے پر اللہ تعالی کی اطاعت وفرمانبرداری اور اس کی شکر گزاری کرتے ہیں یا غفلت کا شکار ہو کر اس کی نافرمانی و ناشکری میں مبتلا ہو جاتے ہیں اب ہر عقلمند انسان اپنی حالت پر خود ہی غور کر لے کہ وہ اس ازمائش و امتحان میں کس حد تک کامیاب ہوا ہے۔ حضرت حاتم اصم رحمۃ اللہ تعالی علیہ فرماتے ہیں ’’جب تم اپنے رب عزوجل کی نافرمانی کرو اور صبح اس حال میں کرو کہ تم اللہ تعالی کی نعمتوں کو اپنے اوپر فراوانی کے ساتھ دیکھو تو اس سے بچو کیونکہ یہ اہستہ اہستہ عذاب کی طرف جانا ہے۔(تنبیہ المغترین الباب الاول من اخلاق السلف الصالح ومن اخلاقہم رضی اللہ عنہم کثرۃ خوفہم من اللہ تعالی فی حال بدایتہم۔۔۔ الخ ص۴۹) { و لىن قلت:اور اگر تم کہو۔} یعنی اے حبیب! صلی اللہ تعالی علیہ والہ وسلم اگر اپ اپنی قوم کے کفار سے فرمائیں کہ اے لوگو! تمہیں مرنے کے بعد حساب اور جزاء کیلئے اٹھایا جائے گا تو کافر ضرور کہیں گے کہ یہ قرآن شریف جس میں مرنے کے بعد اٹھائے جانے کا بیان ہے یہتو کھلا جادو یعنی باطل اور دھوکا ہے۔ (مدارک ہود تحت الایۃ: ۷ ص۴۹۰ خازن ہود تحت الایۃ: ۷ ۲ / ۳۴۲ ملتقطا(