Surah Yusuf Ayat 109 (12:109)

{و ما ارسلنا من قبلك الا رجالا:اور ہم نے تم سے پہلے جتنے رسول بھیجے سب مرد ہی تھے۔} اس ایت کا خلاصہ یہ ہے کہ اہل مکہ نے کہا تھا کہ اللہ تعالی نے فرشتوں کو نبی کیوں نہ بنا کر بھیجا اس ایت میں انہیں جواب دیا گیا کہ وہ رسول کریم صلی اللہ تعالی علیہ والہ وسلم کے انسان ہونے پر حیران کیوں ہیں حالانکہ ان سے پہلے جتنے بھی اللہ تعالی کے رسول تشریف لائے سب ان کی طرح انسان اور مردہی تھے کسی فرشتے جن عورت اور دیہات میں رہنے والے کو نبوت کا منصب نہیں دیا گیا ۔ کیا یہ جھٹلانے والے مشرکین زمین پر نہیں چلے تاکہ وہ دیکھ لیتے کہ ان سے پہلے جن لوگوں نے اللہ تعالی کے رسولوں کو جھٹلایا تھا انہیں کس طرح ہلاک کر دیا گیا اور بے شک اخرت کاگھر یعنی جنت پرہیزگاروں کے لئے دنیا سے بہتر ہے تو کیا تم غوروفکر نہیں کرتے اور عبرت حاصل نہیں کرتے تاکہ ایمان قبول کر سکو۔ (صاوی یوسف تحت الایۃ: ۱۰۹ ۳ / ۹۸۵ خازن یوسف تحت الایۃ: ۱۰۹ ۳ / ۴۹ ملتقطا)