Surah Al Muminun Ayat 64 (23:64)

{حتى: یہاں تک کہ۔} اس ایت میں کفار کے اعمال کا انجام بیا ن کیاگیا کہ کفار اپنے اعمال پر ہی قائم رہے یہاں تک کہ جب ہم نے ان کے خوشحال لوگوں کو عذاب میں پکڑا اور وہ بدر کے دن تلواروں سے قتل کئے گئے تو جبھی وہ فریاد کرنے لگے۔ ایک قول یہ ہے کہ اس عذاب سے مراد فاقوں اور بھوک کی وہ مصیبت ہے جو تاجدار رسالت صلی اللہ تعالی علیہ والہ وسلم کی دعا سے ان پر مسلط کی گئی تھی اور اس قحط کی وجہ سے ان کی حالت یہاں تک پہنچ گئی تھی کہ وہ کتے اور مردار تک کھا گئے تھے۔( روح البیان المومنون تحت الایۃ: ۶۴ ۶ / ۹۲ خازن المومنون تحت الایۃ: ۶۴ ۳ / ۳۲۸ ملتقطا)