Surah At Tur Ayat 24 (52:24)

{ و یطوف علیهم غلمان لهم: اور ان کے خدمت گار لڑکے ان کے گرد پھریں گے۔} ارشاد فرمایا کہ اہل جنت کے خدمتگار لڑکے ان کی خدمت کے لئے ان کے ارد گرد پھریں گے اور ان کے حسن صفائی اورپاکیزگی کا یہ عالم ہو گا کہ گویا وہ چھپاکر رکھے ہوئے ایسے موتی ہیں جنہیں کوئی ہاتھ ہی نہیں لگا ۔حضرت عبداللہ بن عمرو رضی اللہ تعالی عنہما فرماتے ہیں کہ کسی جنتی کے پاس خدمت میں دوڑنے والے غلام ہزار سے کم نہ ہوں گے اور ہر غلام جدا جدا خدمت پر مقرر ہوگا۔( خازن الطور تحت الایۃ: ۲۴ ۴ / ۱۸۸)اس ایت سے معلوم ہو اکہ ہر جنتی کو جنت میں خدمتگار ملیں گے چاہے اس کا مرتبہ اعلی ہو یا نہ ہو۔