Surah An Najm Ayat 43 (53:43)

{ و انه هو اضحك و ابكى: اور یہ کہ وہی ہے جس نے ہنسایااور رلایا۔} یعنی ایک ہی محل میں مختلف اوقات میں ایک دوسرے کے مخالف دو چیزوں رونے اور ہنسنے کو پیدا کرنے پر اللہ تعالی ہی قادر ہے اور یہ اس بات کی دلیل ہے کہ انسان کے تمام اعمال اللہ تعالی کی قضاءقدرت اور اس کے پیدا کرنے سے ہیں ۔اس کے علاوہ مفسرین نے اس ایت کے اور معنی بھی بیان فرمائے ہیں جو کہ درج ذیل ہیں (1)… اس ایت کا معنی یہ ہے کہ اللہ تعالی اہل جنت کو جنت میں داخل کر کے ہنسائے گا اور اہل جہنم کو جہنم میں داخل کر کے رلائے گا۔ (2)… اللہ تعالی دنیا والوں میں سے جسے چاہتا ہے ہنساتا ہے اور جسے چاہتا ہے رلاتا ہے۔ (3)… اللہ تعالی زمین کو نباتات کے ذریعے ہنساتا ہے اور اسمان کو بارش کے ذریعے رلاتا ہے۔(خازن النجم تحت الایۃ: ۴۳ ۴ / ۲۰۰ تفسیر طبری النجم تحت الایۃ: ۴۳ ۱۱ / ۵۳۴ ملتقطا)