جب آسمان پھٹ جائے گا ۔

اور وہ اپنے رب کا حکم سنے گااور اسے یہی لائق ہے۔

اور جب زمین کو دراز کر دیا جائے گا۔

اور جو کچھ اس میں ہے زمین اسے (باہر) ڈال دے گی اور خالی ہوجائے گی۔

اور وہ اپنے رب کا حکم سنے گی اور اسے یہی لائق ہے۔

اے انسان!بیشک تو اپنے رب کی طرف دوڑنے والا ہے پھر اس سے ملنے والا ہے۔

توبہر حال جسے اس کا نامۂ اعمال اس کے دائیں ہاتھ میں دیا جائے گا ۔

تو عنقریب اس سے آسان حساب لیا جائے گا۔

اور وہ اپنے گھر والوں کی طرف خوشی خوشی پلٹے گا۔

اوررہا وہ جسے اس کا نامہ اعمال اس کی پیٹھ کے پیچھے سے دیا جائے گا۔

تووہ عنقریب موت مانگے گا۔

اور وہ بھڑکتی ا ٓگ میں داخل ہو گا۔

بیشک وہ اپنے گھر والوں میں خوش تھا۔

بیشک اس نے سمجھا کہ وہ ہرگز واپس نہیں لوٹے گا۔

ہاں ، کیوں نہیں ! بیشک اس کا رب اسے دیکھ رہا ہے۔

تو مجھے شام کے اجالے کی قسم ہے۔

اور رات کی اور ان چیزوں کی جنہیں رات جمع کر دے۔

اور چاند کی جب اس کا نورپورا ہوجائے۔

ضرور تم ایک حالت کے بعد دوسری حالت کی طرف چڑھو گے۔

توانہیں کیا ہواکہ وہ ایمان نہیں لاتے۔

اور جب ان کے سامنے قرآن پڑھا جاتا ہے توسجدہ نہیں کرتے۔

بلکہ کافر جھٹلا رہے ہیں ۔

اور اللہ اسے خوب جانتا ہے جو وہ اپنے دلوں میں رکھتے ہیں ۔

تو تم انہیں دردناک عذاب کی بشارت سنادو۔

مگر جو ایمان لائے اورانہوں نے اچھے اعمال کئے ان کے لیے وہ ثواب ہے جو کبھی ختم نہیں ہوگا۔

اللہ کے نام سے شروع جو نہایت مہربان ، رحمت والاہے ۔